في الذكرى الرابعة عشرة لاستشهاد النائب والوزير الشيخ بيار أمين الجميّل، غرّد رئيس قسم المجدل الكتائبي ايلي عساكر عبر حسابه على موقع تويتر متوجهاً للوزير الشهيد قائلاً:

"‏متل اليوم من ١٤ سنة كانت آخر مرة بتشرق الشمس وانت بيناتنا..

متل هالنهار خسرنا بطل كل وطن بيحلم يكون عندو متلو.. خسرنا اللي كان قادر يبني وطن بيشبه أحلامنا.. وطن ع صورة ومثال شباب لبنان..

‏يا بيار بعدن عم بيمرقوا الصور براسي كأنن مبارح.. من وقت اللي كنا نزورك من سنة الـ ٩٥ والـ ٩٦.. نحنا اللي ربينا ع أسطورة اسمها بيار الجميّل.. وهالأسطورة رجعت انت عملتها حقيقة وتجسدت فيك..

‏منوعدك إنو نحنا مكملين، بالكتائب اللي هيي ع صورتك ومثالك، مع رئيس وفيّ لكل نقطة دم دفعتها انت وكل رفاقنا..

اليوم منوعدك إنو رح نشتغل حتى نحقق كل الأحلام اللي حلمناها معك..

اليوم منوعدك انو رح نبقى أوفيا متل ما كنّا كل عمرنا..

منوعدك إنو كل واحد فينا هو بيار الجميّل.."