قلّي يا زمن شو بدّك فينا؟

اشترك مجانا بقناة الديار على يوتيوب

عبد الله موسى كفوري  

يا زمن 

قلّي يا زمن شو بدّك فينا؟

بتاخدنا وبتوّدينا 

ومع الريح بتذرينا 

منكون ناسين، بترجع بتوعّينا 

يا زمن شو بدّك فينا؟

قلّي لوين بتروح وبتاخد منّا الروح؟

والقلب مش قد هيك جروح،

مدري قلبك قاسي كتير ما بيبوح

مدري القسى معشش بمآقينا 

يا زمن شو بدّك فينا؟

منخلق من لجج مخفيّة بعمق الزمان مطويّة 

نفس بترجع مدري هيي، مدري مش هيّي

وبترجع ببحر الزمان بترمينا 

يا زمن شو بدّك فينا؟

وصرت ارجع ليليّة 

وما عادت العيشه هنييّي

بدونك أنت، وبدونها هيي

منكون زغار، وبغفلة منصير ختياريّة 

وع بحرك الواسع، يا زمن بترجّعنا وبتعريّنا

قلّي يا زمن شو بدّك فينا؟