اشترك مجانا بقناة الديار على يوتيوب

عبد الله موسى كفوري 

يا شجرة العنّاب راجعي حسابك

ضفرتي اكليل الشوك وما كان ع بالك، 

انجرح موّال الشعر وسال ع ركابك

عطيتي زيتون أخضر بغابر زمانك

انقلب عنّاب نبيدي بجيابك،

كنّا وليدات نمرشق شلوحك

وضهريات ندقدق بحبال جراسك.

يا شجرة العناب وين احبابك؟

الكانوا يغنّجو الزنبقات بحواضك 

ويتمشّوا قبل الغياب ع بيادرك

وينزلو القمار ع جمرات سهراتك 

وسلل تين وخبريّات من خبارك 

يا شجرة العنّاب رح ضلّ اتذكّرك 

كل م فتّح نيسان مع وراقك 

وكل م طلّ البدر ع رواقِك.







الكلمات الدالة

الأكثر قراءة

الام أسفل الظهر... كيف يمكن التخلص منها؟