"الله يكون بعونك يا أحمد الشرع".. ممثلة سورية شهيرة اتهمت بزواجها من ماهر الأسد تتعرضّ للتهديد!

اشترك مجانا بقناة الديار على يوتيوب

خرجت الفنانة السورية تولين البكري في بث مباشر عبر صفحتها الرسمية على انستغرام تطرقت فيه الى مواضيع حساسة.

وتولين في بثها المباشر: "أنا شخص عادي وأقل من عادي و فيي مية علة بس كلمة الحق دايما بحكيها و جمهوري بيعرفني بصوت الشعب".

وتابعت تولين: "اجاني تهديدات كتير وماني خايفة و انا ساكنة بنص الشام وهالرقبة ما بشيلا غير لحطها وكلمة الحق رح احكيها دايما"، واستكملت تولين حديثها: "انا درزية علوية مسيحية اسماعيلية انا بدي ترجع سوريا و تصير من أحسن الدول سوريا الي الها مهدمة 55 سنة".

وأضافت: "انا بقول الله يكون بعونك السيد أحمد الشرع و بتمنى الحكي الي حكيتو يطبق ع أرض الواقع لنعمر البلد".

وتطرقت تولين الى مواقف زميلها باسم ياخور قائلة: "انا ما عم دافع عن باسم ياخور.. بس باسم ابدا ما غلط وبتحداكم تجيبولي فيديو تحريضي الو لسفك الدم او بوست او اي شي"، وتابعت: "انا بنت البلد و باسم ياخور ابن البلد و ما حدى بحقلو يمنعو يجي ع سوريا..هي بلد كل السوريين و لازم نتعايش مع بعض".

كما اكدت تولين ان الجميع كان يخاف من النظام السابق و"يحسبلو الف حساب ويسعى تكون علاقتو قوية فيه ليمشي مصالحو"، وتمنت أن يكون الله بعون مدير عمليات الادارة الجديدة أحمد الشرع وان يطبق الكلام على أرض الواقع لاعادة اعمار البلد.

وبعد سقوط النظام، انتشرت شائعات بشأن زواج البكري من ماهر الأسد، شقيق الرئيس السوري المخلوع بشار الأسد، وقد أثار هذا الأمر جدلًا واسعًا على مواقع التواصل الاجتماعي، الا انها نفت الأمر.