ندى البستاني: أدعو صدي لمناظرة إعلامية بالأرقام والمستندات!

اشترك مجانا بقناة الديار على يوتيوب

ردّت النائبة ندى البستاني على وزير الطاقة جو صدّي، بالقول: "توقعنا من وزير الطاقة مؤتمر صحافي تقني يوضّح فيه بالارقام والمستندات شو عم بيصير بقطاع الكهرباء بس للأسف ما قدر طلع الوزير من مدرسة النكد السياسي يللي بينتمي لالها".

أكملت: "الوزير صدي بيختار الارقام يللي بتناسبو وبالسنين يللي بتناسبو، من جهة عم بيقارن ساعات التغذية بآخر ٥ سنين ومن جهة تانية عم بيكرّر مقولة كلفة الدعم لآخر ١٥ سنة انها ٢٦ مليار دولار علماً انو الرقم الحقيقي بحسب مستند رسمي لوزارة المالية هو من ٢٠٠٠ للـ٢٠٢١ اي ٢١ سنة، ٢٢.٧ مليار دولار".

وأضافت: "المقارنة الصحيحة بتكون Apple to apple يعني بين كلفة الدعم وساعات التغذية عن نفس السنين، ومش متل ما بيناسبنا بل بمستندات رسمية".

أكملت: "وبما إنك وعدت تنشر ساعات التغذية لآخر ٥ سنين على موقع الوزارة، تفضّل فرجينا ساعات التغذية بعهد استلام التيار الوطني الحر أي من وقت استلام الوزير جبران باسيل، مرورًا بالوزير سيزار أبي خليل، وصولًا لوقت استلامي أنا".

وختمت: "على كل حال ما رح رد على كل المغالطات ومنعاً للسجالات لأن الناس تعبت وبدها الحقيقة والكهرباء، انا بدعيك جو صدّي لمناظرة إعلامية معي بالارقام والمستندات امام كل اللبنانيين".