ليْش هالدموع؟

اشترك مجانا بقناة الديار على يوتيوب

عبد الله موسى كفوري

ليْش هالدموع اللي 

بعينيك هالقد فايشين؟

من قبل م الغيم ع السما يطلع، 

بشوفن ع خدودك نازلين 

وبقلب عينيك بعض المرّات 

بكونو مجمّعين ومحتارين 

من قبل م بشوفك حزينة 

بكون قبل منّك حزين.

قلبك طفل بعدو زغير شو بزعل

وقت البنزل فيك تجريح

قلبك طفل قدّيشو كبير، بتسامحي 

وبتشوفي فيّي القبيح مليح.

يا ريت بشوفك بِطرحة العرس 

ماشي حدّ عريسك

وتكون آخر دمعة بعينك 

دمعة الفرح، وقرّب لحدّك تبوسك، 

وأبعد عنّك لبعيد وشو شحلك

بايد..ويفلت من شعرك دبّوسك

وشفافي تردد وتعيد

الله يخلّيكِ لمحروسك.

ليش هالدموع اللي بعينيكِ

هالقد فايشين؟