نخبة من نجوم الصّف الأوّل في دراما "بالحرام"

اشترك مجانا بقناة الديار على يوتيوب

شوّقت شركة "إيغل فيلم" الجمهور العربي لأحدث أعمالها الدرامية "بالحرام"، المقرّر عرضه في موسم رمضان 2026، الذي ينطلق منتصف شباط المقبل، من بطولة ماغي بو غصن، تأليف شادي كيوان وفادي حسين، إخراج فيليب أسمر وذلك من خلال فيديو تشويقي يجمع نجوم المسلسل ويكشف عن أدوارهم الرئيسيّة.

وفي خطوة لافتة، قدّم الإعلان التّشويقي كلّ شخصية من شخصيات العمل عبر جملة قصيرة تعكس عمق الدور وموقعه ضمن الأحداث، ممّا منح الجمهور نظرة أوليّة عن أجواء المسلسل المليء بالتّناقضات الإنسانية والخطوط الدرامية المتشابكة.

من أبرز العبارات التي اختارها النجوم للتّعريف بشخصياتهم:

ماغي بو غصن: "بقولوا البيوت أسرار … ورا أبوابها وحيطانها أشياء مخباية، حتى بالمال والسلطة كلّ لعبة إلها قوانين".

عمار شلق: "اللّي بيكون ضحيّة بقصته، يمكن يكون مجرم بقصة غيره".

باسم مغنية: "في ناس بدها تختار الطريق يلي بدها تمشي فيه وفي ناس بترسم الطرقات وبتخلي الكلّ يمشي فيها".

سارة أبي كنعان: "أوقات الحجر الأضعف باللّعبة هو يلي بيقلب الطاولة وبيرسم النهاية".

طوني عيسى: "الحياة لعبة والشاطر هو يلي بيربح".

كارول عبود: "الصورة ما بتكذب، بس نحنا منعرف كتير منيح نكذب فيها".

طارق تميم: "بالصورة في ناس بتبقى موجودة، بس ما حدا بشوفها".

إيلي متري: "الحقيقة مش دايمًا ناقصة، بس نحنا ناقص نسمعها".

سينتيا كرم: "في ناس بحياتنا بتبقى كذبة أحلى من الحقيقة".

رندة كعدي: "كلّ ما نكبر، بتصغر الأشياء بعيوننا".

ميشال جبر: "مش دايمًا الكبر بعلم، أوقات الوجع بعلم أكتر".

مجدي مشموشي: "ما تصدق كلّ شي بتسمعه، صدق كلّ شي بتشوفه".

إلسا زغيب: "دايمًا كون جاهز تحارب يلي حاربت كرماله".

ناديا شربل: "مش كلّ القصص لازم يكون فيها أبطال، في قصص فيها ضحايا وبس".

مايا أبو الحسن: "في ناس بتنباع وتنشرى بلا ما تعرف وتحسّ".

تقلا شمعون: "كلّ بيت إله قفل وكلّ طريق إله آخر … إلّا طريق الحرام".

ويبدو أنّ "بالحرام" سيأخذ المشاهدين في رحلة دراميّة اجتماعيّة مليئة بالغموض، السلطة، المال، الرغبة والخطيئة، حيث لا يوجد أحد بريء تمامًا ولا أحد مذنب بالكامل، فكلّ شخصيّة تحمل سرّها وكلّ بيت يخفي وراء جدرانه حكاية لا تُقال.