الشعر الزجلي...عم يعلا وبالقيمة يزيد

اشترك مجانا بقناة الديار على يوتيوب

المحامية المتألقة آلاء حسن سيف الدين تجيد الشعر الزجلي وتتقنه. كتبت عن أم الشرائع بيروت:

صوت العدل، دوزن ضمير الكل

                                                والكل متل الروح ما بيموت

بعين الحقيقة منقشع وبتضل

                                                ام الشرائع والدني بيروت

كما كتبت:

يا هالدني صبّي الشمس عالحل

                                                ووعي السما من النوم يتعدى

ولا تركضي صوت الارض بيحل

                                                وعاكعب دعساتك عم يندي

ردي عا امو هالمدى تيغل

                                                وتجدل بشعرو سنين وتعدي

ولو تكثري ما في وقت بيقل

                                                وما في عمر شي يوم بيصدي

ومنذ عدة ايام، وعلى اثر نشر قصائد زجلية للشعراء كتبت ما يلي:

يا نقيب وللتأكيد

                                                عا ايدك هالشعر جديد

وكل ما بتكتب عنو شوي      

                                                عم يعلا وبالقيمة يزيد

* * *

على اثر المعركة الانتخابية التي جرت في كلية الحقوق والعلوم الاقتصادية والسياسية في جامعة القديس يوسف في بيروت (اليسوعية) بين 27 مرشحاً لإختيار إثني عشر عضوا لجميعة الخريجين والتي جرت في 23 تشرين الاول 1993، وبعد فوزي في تلك الانتخابات كتب لي المحامي جوزيف بشارة الخوري، إبن الاخطل الصغير، بيتين من الشعر، ومما قاله:

صوت لناضر كسبار

                        لانو نادر بالكار

وبالعالم اكمل إنسان

                        لقلبو بيضلو صغير

وعقلاتو بيصيرو كبار

* **

المعلوم ان عيد الرب في السادس من آب من كل سنة وهو اليوم الذي ولد فيه المحامي والشاعر عبدالله الاخطل الخوري. (ابن الاخطل الصغير).

وفي هذه المناسبة كتب المحامي جوزيف الاخطل الخوري لشقيقه عبدالله هذين البيتين من الشعر:

حافظلك حب وتقدير

                             بقلبي يا عبدالله

واديش بدو يكون كبير

                             البيعيد هو والله

* * *

وعلى اثر وقوع طائرة قائد الجيش الاسبق العماد جان نجيم على قمة جبل ايطو قرب اهدن الابية. كتب المحامي جوزيف الاخطل الخوري لصهره العماد هذه الابيات:

تعبتني ولك روح من بالي                         تركني بقى اقعد انا وحالي

كنت حدي وكنت عني بعيد                        اخذك الموت وزرعك قبالي

لا تعطشي ولا تدبلي يا ورود         ولا تيبسي يا كروم ودوالي

العسكري ما مات خلف حدود             عالقليلي يموت عالعالي

* * *

على اثر اكتساح موجة الحر لبنان في آب 2025، كتب المحامي ابراهيم مسلم، إبن مدينة زحلة عروس البقاع:

قم للمكيف وفّيه التبجيلا

                                      لولا المكيف لكنت قتيلا

يعطيك من حلو النسائم برده

                                      وبكل حب يحتويك خليلا

لا نوم إلا بعد همسة صوته

                                      مهما شكرنا فالثناء قليلا                                     

                                                                              *نقيب المحامين السابق في بيروت