الشعر الزجلي... بين الخوري والقاضي

اشترك مجانا بقناة الديار على يوتيوب

في كتابه قبل ان ننسى يروي القاضي المرحوم اميل ابو سمرا الطرفة الآتية:

دعوت مرة الى الغداء الخوري يوسف عون فلما حضر رجوته ان يتلفن الى المرحوم علي الحاج ليأتي ويتناول الغداء معنا فقال له على التلفون:

وين داير يا علي وين

                                      صار لي ما شفتك شهرين

عند القاضي بو سمرا

                                      الملقى: الخوري وابو حسين

ولما وصل ابو حسين. قال قبل السلام

                                      علقة عابد بدو يحج

مفلس وجيابو فاضي

                                      مش اصعب عن علقة حج

بين الخوري والقاضي

* * *

 

يروي المحامي نزيه شلالا صاحب النشاطات الحقوقية المتعددة والذي اصدر عدة موسوعات، ان المحامي يوسف حليم لحود دخل مرة غرفة القاضي الياس نمور يوم كان رئيسا لمحكمة جنايات جبل لبنان فالتقى الشاعر الزجلي زغلول الدامور فبادره قائلا:

جلسة مش رح عاكسها                             لكن كلمة حابسها

انت الريس عالجوقات                    بس الريس ريسها

فأجابة الزغلول على الفور:

لو عارف عندك عادي                             موهبتك شعر زيادي

كنا جبنا معنا الدف                                  والجوقة والردادي

* * *

قصد المحامي يوسف لحود النيابة العامة التمييزية للمراجعة بدعوى وكان مستعجلا، فبادر رئيس القلم السيد شارل ابو خير، وهو شاعر ايضا، وقال له:

عجل عجل يا بو خير           اسرع من جنحين الطير

ما زال تصبحنا فيك             لازم نتلاقى بالخير

ولدى انتهاء المعاملة، كان الموظف النشيط شارل بو خير قد كتب للاستاذ لحود ما يلي:

يا يوسف يا اوفى خي           علي عامهلك شوي

حبك بدمي مجبول                         ودمي مش رح يقلب مي

* * *

انشغل المحامي يوسف لحود بدعاوى عديدة، فتأخر عن حضور بعض جلسات المحكمة العسكرية التي تنعقد برئاسة العميد ماهر صفي الدين:

فأرسل له الكاتب في المحكمة المؤهل عون عون القصيدة التالية:

"لحود مهما غبت مش عينه                       مشتاق شوفك بعد هالغيبة

انشالله تكون بغيبتك معذور                        المهم تبقى بخير هالشيبه

والمحكمة بدونك ما فيها عطور                  نفحة شذاك بتوجد الهيبة

خليك متل النحل عم بتدور                        تجمع غلال وتبعد الريبة

خزانة ملانة من المحبة شعور                    وشاعر قوافي مسكر عليها

                        ومفتاحها موجود بالجيبة"

فأجابه الاستاذ لحود بالقصيدة التالية:

"يا عون يا بسمة على جروحي                  وردة وحي من طموحنا فوحي

ما كان في عندي بشعري طموح                 لو ما انسكب من شعرك طموحي

مشوار عاقوافيك لما بروح                        بشوف السما ونجومها صروحي

عطر الوفا من كلمتك بيفوح                       وخدك قمر عا مخدة شلوحي

بالمحكمة بتبلسم المجروح                         وللعدل حبر قلامك بيوحي

حتى اذا بعينك غمزت الروح                     بتنط روحي تسكن بعينيك

                        تا تغل نظرة عينك بروحي

* * *

على أثر تخلية سبيل احد الموقوفين من قبل قاضي التحقيق في بعبدا الرئيس صقر صقر، كتب له الشاعر زغلول الدامور بتاريخ 8/10/97 ما يأتي:

- شو بدي قلك مخجول ممنون عيونك عاطول

- كل ريشة من جناح الصقر بتحمل 16 زغلول.

                                                                نقيب المحامين السابق في بيروت*