الشعر الزجلي.. رح تعرف قدرك لولا فلّت كلابي

اشترك مجانا بقناة الديار على يوتيوب

التقى المحاميان يوسف لحود ونازك القزح في غرفة نقابة المحامين في بعبدا، فبادر الاستاذ قزح متحدياً:

"تلاقينا بتاني تشرين                      ببعبدا بالنقابة

ناطر يوسف بالعرين                      تقطع لحمو عانيابي

يوسف اوعا تكون مغرور                بسلاحات التلفاني

المتلك عالمنبر مغدور             عاسنين الماضي فاني

    تتصادم منك مجبور                       احلالك تتوقاني

طريدتنا متل العصفور            مش محرز فك رابي"

فأجابه الاستاذ لحود:

"يا نازك لا تسب الباب           وقدام العتبة بتحن

فاتحلك بدموعي حساب           شبعت وجاي اليوم تجن

بيكفيك تحك ركاب                وطموحك تسطي عالقن

رح تعرف قدرك بالغاب          لولا فلت كلابي"

* * *

كان القاضي عاصم صفي الدين قاضي تحقيق في النبطية فأصدر مذكرة توقيف غيابية لشخص من ال اسماعيل لاقدامه على تجيير شك بدون مؤونة وكان المدعى عليه يدير مطعماً في ساحة النبطية.

ذهب المحامي علي سبيتي الى مكتب القاضي صفي الدين ودار بينهما الحوار الزجلي الارتجالي.

المحامي علي سبيتي:

ابن اسماعيل جيبو نضيف                    جير شك وما تعدي

بدي مذكرة التوقيف                           يا سيد تستردا

القاضي:

ابن اسماعيل كلّو دين                         الحقوق مش عم يعطيها

بالضيعة ما مخلي عين                        الا منو مبكيها

المحامي سبيتي:

محلو مسكر كرمالك                           ويوميّي بتجي الشرطة

ما زال اسقاط جبنالك                         خلصنا من هالورطة

القاضي:

رح اعطيك عشر نقاط                        عالشعر القلتو صدفي

كرامة عينك والاسقاط                        هلق عنو رح اعفي

* * *

في كتابه الادب في قلة الادب، يقول الشاعر جان مبارك والد زميلنا شارك مبارك، والملقب بالطائر المجهول:

في اجتماع بين بنات وشباب تعرفت بهوني بنت طلعت بلا اخلاق سألتا:"شو عم تدرسي" قالتلي: "بدي اعمل قاضية". قلتلا: الله يوفقك. سألتني: وإنت شو مصلحتك. قلتلا: "شاعر" ضحكت وقالت: يعني متل ما بيقول المثل: داعيكن شاعر ومشعور ومختل الشعور.

استغربت هالجواب وجاوبتا على الفور:

غلطان كل مين قال عنك "قاضية"  

                                إنت بلؤمك ع العدالة قاضية

ولما اجتمعنا وكان اول اجتماع

                                من فرد كلمة عرفت انك فاضية

*  * *

مش رح هني العدالة

                                بهيك اخلاق وهيك حاله

مرعوشي وعقل متنّك

                                واوسخ من سطل زباله

* * *

في لمحة تفاؤل بعد اليأس، ألقى الشاعر الزجلي زغلول الدامور  (جد المحامي جوزيف الهاشم) الابيات الآتية:

يا ليلتي لنو بشي وعد اصدقي

 العمر انتهى حلك قبالي تمرقي

ع قد ما يتمقطع الظرف الشقي

 وع قد ما يتعوكرالجو النقي

وع قد ما يحطو حواجز ع الطريق

 ما بيمنعوني ضل فيكي التقي.

* * *

التقى المحامي الشاعر سميح خليل زميلة له وهي ترتدي الروب، ولدى السلام عليها، وقع منها قلم حبر البيك على الارض، فانحنت لسحبه. فأنشد ما يأتي:

هالبيك عرفتوا شفاف

 جبرك تا توطي وما خاف

يعني شفتي لو من الروب

 كنا شفنا الما بينشاف.

                                                              نقيب المحامين السابق في بيروت*